Popular Bible Verses from GENESI 32

Share

Ndi hone uyo munna a tshi ri, “A u tsha ḓo pfi Jakopo, u vho ḓo pfi Israele, nge wa ita tsimbe na Mudzimu na vhathu wa konḓelela.”

Ndi hone uyo munna a tshi ri, “Ḽo tsha, nnditshe ndi ṱuwe.” Jakopo a fhindula a ri, “Ndi nga si u litshe wa ṱuwa u sa athu ntshudufhadza.”

Zwenezwo Jakopo o vha o no sala e eṱhe, ha ḓa munna a ita tsimbe nae ḽa vhuya ḽa tsha.

Jakopo a ri, “Ndo vhona Mudzimu ndo livhana nae, hone ndi si fe.” Ndi zwe a ri afho fhethu hu pfi Phenuele (Tshifhaṱuwo tsha Mudzimu).

Huno munna uyo a tshi vhona uri ha koni u kunda Jakopo, a rwa Jakopo kha khundu dza fhirea a tshi khou ita tsimbe na uyo munna.

Uyo munna a mu vhudzisa a ri, “U pfi nnyi?” Ene a fhindula a ri, “Ndi pfi Jakopo.”

Jakopo a ri, “Zwino mmbudze uri u pfi nnyi.” Huno Ene a fhindula a ri, “Ndi mini u tshi vhudzisa dzina ḽanga?” Ndi hone a tshi shudufhadza Jakopo henefho.

Muṋe washu, a tho ngo fanelwa nga vhuthu hoṱhe he wa nnyitela na u fulufhedzea he wa sumbedza nṋe mulanda wau. Ndi tshi wela mulambo uyu wa Jorodani ndo vha ndi tshi tou vha na mbaḓa yanga fhedzi, hone zwino ndo no vha na zwigwada zwivhili.

Ndi zwine u swika ṋamusi Vhaisraele vha ila luṱale lwa khuli, nge Jakopo a rwiwa kha khundu tsini na luṱale lwonolwo.

Zwenezwo Jakopo a rabela a ri, “Mudzimu wa makhulu wanga Abrahamu, Mudzimu wa khotsi anga Isaka, Iwe Muṋe washu, wo mmbudza wa ri, ‘Humela shangoni ḽa hau ha mashaka au, ndi ḓo ita uri zwi u nakele.’

Ndi a rabela ndi ri, ntshidze zwanḓani zwa mukomana wanga Esau; ndi a ofha uri u ḓo ḓa a lwa na nṋe a vhulaha vhomme na vhana vhavho.