Popular Bible Verses from 1 JOHANISI 2

Share

Ni songo funesa shango na zwithu zwaḽo. Ane a funesa zwa shango ha funi Khotsi. Zwithu zwoṱhe zwa shango zwi no nga: nyemulo dzoṱhe dza tsiko ya kale ya muthu, kana zwoṱhe zwi no kunga maṱo, kana zwithu zwoṱhe zwa shango zwine vha zwi zuwa – hezwo zwoṱhe a zwi bvi ha Khotsi zwi bva kha shango.

Mathina shango ḽi khou fhela na zwithu zwaḽo zwine vhathu vha zwi emula, hone a itaho zwine Mudzimu a funa u tshila nga hu sa fheli.

Ane a ri u dzula e muthihi nae u fanela u tevhedza kutshilele kwa Yesu.

Vhananga, ndi khou ni ṅwalela haya uri ni si tshinye. Hone arali muṅwe a nga tshinya, a ḓivhe uri ri na mupfumeleli ha Khotsi; ndi Yesu Khristo, Ene a sa khakhi.

Ane a ri, “Ndi ḓivha Mudzimu,” ngeno a sa tevhedzi ndaela dzawe, onoyo ndi muzwifhi, ha na ngoho.

Arali ra tevhedza ndaela dzawe ndi hone ri na ngoho ya uri ri a mu ḓivha.

Ane a ri u tshedzani ngeno a tshi vhenga mutendi ngae, u tshee swiswini na ṋamusi.

Zwino mudzia-u-zwifha ndi nnyi? A si uyo ane a landula a ri Yesu a si Ene Mesia naa? Ndi ene Muvhangisakhristo; u landula Khotsi khathihi na Murwa.

Ane a vhuya a landula Murwa, na u vha wa Khotsi a si wa Khotsi; ane a ṱanganedza Murwa, na Khotsi ndi khotsi awe.