Popular Bible Verses from Mark 13

Share

Miye ṫaƞtaƞhaƞ uƞ tuweki iyuha waḣtenilapi kte ṡni. Eyaṡ wiċamayalapi ki oihaƞke waƞilya ni yauƞpi ktelo.

Ċa, waktaya uƞpo, iċiƞ tohaƞtu kte ki he slolyayapi kte ṡni.

Nakuƞ oniyuspapi naiƞṡ niyasupi kte eyaṡ itok̇apiṡni yo, tokṡa taku ehiƞkte ki he Woniya-wak̇aƞ etaƞhaƞ u kte.

Maḣpiya na makoċe ki iyatakuƞni kte eyaṡ miṫaoiye ki tohaƞtu kte.

“Le tohaƞl oihaƞkiƞ kte ki tuweni slolyiƞ kte ṡni, nakuƞ ogligle wak̇aƞ ki na Ċiƞhiƞtku ki, ekeyaṡ slolyapi kte ṡni. Ate eċela aƞpetu na owaṗe tohaƞtu ki hena slolyiƞ kte.

Nakun okiċize ki nayaḣ'uƞ na onayaḣ'uƞ ki inaġiiċiyapi ṡni yo.

Wakta uƞpo, iċiƞ tohaƞtu kte ki slolyayapi ṡni, uƞgna ḣtayetu ehaƞtu, naiƞṡ haƞċokaƞyaƞ, naiƞṡ aƞpo ki, naiƞṡ wi hinaṗe ki ehaƞl tiwahe iṫaƞċaƞ ki gli ktelo. Uƞgnahela gli ki, iṡtima yaḣpayapi ktelo. Taku eċiċiyapi ki he iyuha hewiċawakiyelo, ki he ‘Wakta unpo!’”

Makoċe ki kiċiza unpi kte na ṫawowitaƞ ki k̇o ahiiċ'iṫakpepi ktelo. Makoċe ki naċaƞċaƞ kte na wiċaakiḣaƞpi ktelo. Lena wiċoḣaƞ ki hokṡiyuha sʹe wiċayazaƞ ktelo.

Eyaṡ makoċe oihaƞke ṡnihaƞni woṫaiƞ ki le tuwekayeṡ wahokuƞwiċakiyapi ktelo.

Wiċaṡa lila ota iwomaglakapi kte na leyapi kte, 'He miye yelo!' eyapi kte, na wiċagnayapi kte.

Waktaya unpi ognaṡ oniyuspapi na niyasupi kte.

Wiċaṡa-wak̇aƞ-waayaṫaƞiƞ na Wanikiya heċapi keya aṫaƞicʹiyapi kte. Hena nakuƞ waasniyaƞpi kte ki heuƞ wiċagnayaƞpi kte, okihi pic̄a ki, Wak̇anṫaƞka oyate waṡte ki hena k̇o wiċagnayapi kte.

“Oteḣike ki lena ohakab aƞpetu tona ki ataeyaṡ wi ki aṫaƞiƞ kte ṡni, na haƞhepi wi ki hehaƞyaƞ iyoyaƞpa kte ṡni. Wiċaḣpi ki hena hiƞḣpayiƞ kte, na maḣpiya ki etaƞhaƞ taku okawiƞġe ki hena ipaweḣ iyayiƞ kte.