Popular Bible Verses from लुका 3

Share

जेवी आखा माणहे बपतीस्मा लेदा, तेवी यीशु बी बपतीस्मा लेन विन्ता केरने बाज गीयो, तुलबूखे हेरोग उगड़ी गीयो। एने चोखालो जीव पेरवान गेत यीशु पोर उतेरनो, एने हेरगा माय रेन ज्यो आवाज होमलानो, “तु मारो मोंगाल्लो बिटोख हे, मी तार पोर जुलूम खुस हे।”

केरीन योहान ताह केयो, “मी तुमूह पाण्या केरीन बपतीस्मा केरथु, पुण जो मार पासाण आवण्यो हे, तो माहु रेन जादा ताकेतवालो हे, मारी ते तान खाहड़ान दोयड़ी सोड़नेन वोर लायकी नाय मीले, तो तुमूह चोखालो जीव एने आक्‍ठा केरीन बपतीस्मा आपी।

तुमरा पापाम रेन मोनाह बुदलो काय हाजो फोल लावो, एने आप आपणा मोना माय ज्य मा सुचो काय आमु अब्राहाम ने गेराणान हेते, काहाकाय बोगवान न्या देगड़ाम रेन तान गेराणो उबो केर सिकेह।

एवी कुराड़ ते जाड़ान थुड़ा पोर मिलेल हे, तानकेरता जो जाड़ फोल नाह लावेत, तो काटाय एने आक्‍ठा माय टाकाय जाय।”

जिहकेरीन यशाया जाणकारान पुस्तेक माय लिखेल हे: “उजाड़ी माय एक जाण आयेड़ने बाजरिनोह काय बोगवानान वाट तियार किरो; ‘एने तान सेड़ेक हुतरी किरो! खाडा बुजाय जाती, एने बोयड़ा एक हारका एय जाती। वाकालाह हुतरो केरी, एने जो उचो नेचो हे तो चोवगान वाट बोणी। एने देरतीन आखा माणहे बोगवानान सुटकाराह देखती!’”