Popular Bible Verses from लूका 6

Share

कोळतोगी, रा परमेश्वर भी नीमी कोट्टान. लॉकुर नीम क्वारा दा पुरा-पुरा नाप, वत्‍त-वोतकु अदिक आलगाळ-आलगाळ्सकु सीग हचकु हाक्यार. यतिकी या नाप देल नीव दुसरा अन साटी आळेतीर, अदा नाप देल नीम साटी भी आळुकु आदीत.”

वळ्लीद मंळसा तान आत्मा अन्द वळ्लीद भंडार दा टु वळ्लीद मातगोळी का तेगुतान, अदिक बुरा मंळसा तान दिल इन बुरा भंडार दा टु बुरा मातगोळी तेगुतान; यतिकी जो दिल दा तुमकु आद अदा आऊन बाय दा बरतद.

लेकीन तान दुश्मनगोळ से प्यार ईटी, अदिक आंदुर्द भलाई माळी, अदिक उदार कोटकु वापस सिकोद आशा माळबाळी, अदिक नीम साटी प्रतिफल धोळ्द आदीत अदिक नीव परमप्रधान उन पारगोळ ठहरूसिर, यतिकी आव खुद अच दुष्टगोळ मा उपकार माळतान.

ह्यांग नीम स्वर्गीय आप्प दयालु आन, हांग अच नीव भी दयालु बन्सी.

“यारदारा मा दोष हचबाळी, रा नीम मा भी दोष हचकु आगतीदील. याऊकु दोषी ठहरूसबाळी रा नीव भी दोषी ठहरूसकु आगतीदील. माफ माळीर रा नीमी भी माफ माळकु आदीत.

“लेकीन ना नीव जो केळेतीर नीम से अनतीन कि तान दुश्मनगोळ से प्यार ईटी; जो नीम से नफरत माळतार, आंदुर्द भला माळी. जो नीमी श्राप कोट्टार, आंदरी आशीष कोळी; जो नीम सांगुळ दुर-व्यवहार माळुल, आंदुर साटी प्रार्थना माळी.

ह्यांग नीव चाहासतीर कि लॉकुर नीम सांगुळ व्यवहार माळुल, नीव भी आंदुर सांगुळ हांग अच व्यवहार माळी.

जो नीन ऊंद गाल्ला मा क्याबरा बडुल रा आऊन दी दुसरा गाल्ला भी तिर्गुस बुळ; अदिक जो नीन कोट कसुल, रा आऊक कुळता ओयोर देल भी रोक्सबाळ. जो यावारा नीन से बेळुल, आऊक कोळ; अदिक जो नीन चीजगोळ कस्तबुळुल, आऊन से बाक वापस बेळबाळ.

“यातोदारा वळ्लीद मार्र बेकार काय कोळाल्द अदिक ना यातोदारा बेकार मार्र वळ्लीद काय कोळतद.

हर ऊंद मार्र तान काय देल अर्तकु आगतद; यतिकी लॉकुर मुळ्ल इन झाळीगोळ दा टु अंजीर कोयालुर अदिक ना मईन काय इन मार्र मा टु अंगुर.