Popular Bible Verses from यूहन्ना 13

Share

ना नीमी ऊंद व्हाशोद आग्या कोळतीन कि आबुर दाबुर से प्यार ईटी; ह्यांग ना नीम से प्यार ईटीन, हांग अच नीव भी आबुर दाबुर से प्यार ईटी. अगर नीव आपस दा प्यार ईट्टीर, रा ईदुर देल सप्पा मुंदुर जानस्यार कि नीव नांद चेलागोळ हुईर.”

अगर ना प्रभु अदिक गुरु ईतकु नीम काल तोळदिन, रा नीमी भी आबुर दाबुर काल तोळु पायजे. यतिकी ना नीमी नमुना तोर्स बुटीन कि ह्यांग ना नीम सांगुळ माळदीन, नीव भी हांग अच माळतोगी.

यीशु आऊक उत्‍तर कोट्टुन, “जो ना माळतीन, नी अदरी ईगल्या जान्साल, लेकीन ईदुर बाद्दा नीनी ऊमसीत.”

ना नीम से खरा खरा माताळतीन, दास तान स्वामी देल धोड्डेव हैलेच, अदिक ना कळुदव तान कळावाळा से.

नीव ई मातगोळ जान्सतीर, अदिक अगर अऊर मा नळी रा धन्य आईर.

भोजन मा टु यदकु तान म्याकळव कपळागोळी ईळ्स बुट्टुन, अदिक गमछा हुडुकु तान नेळु कटदुन. आग बरतन दा नीर तुमकु चेलागोळ्द काल तोळुली अदिक याता गमछा देल आऊन नेळु कटकु ईरोद अदुर देल अच सीटली कुरतुन.