Popular Bible Verses from प्रेरितगोळ 2

Share

पतरस आंदुर से अंदुन, “मन तिर्गुसी, अदिक नीम दा टु हर ऊंद मंळसा तान-तान पापगोळ्द माफ अन्द साटी यीशु मसीह अन्द हेसुर देल बपतिस्मा ताकोम; रा नीमी पवित्र आत्मा अन्द दान सिक्‍कीत.

अदिक आंदुर प्रेरितगोळ से शिक्षा ताकोमली, अदिक संगत ईटली, अदिक भोजन माळली, अदिक प्रार्थना माळदुर दा मग्न ईरतोगोर.

आंदुर सप्पा मुंदुर पवित्र आत्मा देल तुम्मेदुर, अदिक या प्रकार देल आत्मा आंदरी माताळोद सामर्थ्य कोळ्त, आंदुर अलग-अलग भाषा दा माताळली कुरतुर.

अचानक आकाश दी टु धोळ्द आंधी घाई सनसनाहट इन शब्द केळ बत्‍त, अदिक आ शब्द देल सप्पा मान्ना यल आंदुर सप्पा मुंदुर कुर्तकु ईरोर, तुम्मेत. अदिक आंदरी बेक्‍की इन घाई ल्यालग्या हरूतेला अदिक फैलुसतेला कांळ्सत अदिक आंदुर दा टु हर ऊंद मंळसा मा बंदकु रूकसेत. आंदुर सप्पा मुंदुर पवित्र आत्मा देल तुम्मेदुर, अदिक या प्रकार देल आत्मा आंदरी माताळोद सामर्थ्य कोळ्त, आंदुर अलग-अलग भाषा दा माताळली कुरतुर.

आंदुर हर दिशी ऊंद मन आगकु मंदिर दा ऊंदा ऊज्या जमा आगतोगोर, अदिक मानोन मान्नी खुशी अदिक पवित्र मन देल ऊमतोगोर, अदिक परमेश्वर उन स्तुति माळतोगोर, अदिक सप्पा लॉकुर आंदुर से खुश ईरोर: अदिक यारी उद्धार सिकतोगोद, आंदरी प्रभु हर दिशी आंदुर दा जमा माळ बुळतोगोन.

परमेश्वर अनतान: कि आखरी इन दिनगोळ दा हिंग आदीत कि ना तान आत्मा सप्पा मंळसा जाती मा हाक्‍काईन. अदिक नीम पारगोळ अदिक पोरगोळ परमेश्वर उन दी टु बातणी कोट्टार, अदिक नीम हारोदोर मंळसागोळ दर्शन नोळ्यार, अदिक नीम स्याणागोळ कान्सा नोळ्यार.

अदिक सप्पा विश्वास माळावाळेर ऊंदा ऊज्या जमा ईरतोगोर, अदिक आंदुर सप्पा वस्तुगोळ गुट दा ईरव. आंदुर तान-तान सम्पत्ति अदिक सामान मार मारकु यार्द ह्यांग जरवत ईरतोगोद वाट्सतोगोर.

अदिक जो यावारा परमेश्वर उन हेसुर देल प्रार्थना माळ्यान, आऊन उद्धार आदीत.

प्रभु उन महान अदिक तेजस्वी दिन इन बरोर से पयले सुर्य करीद अदिक चंद्र खुन घाई क्याचांद आगेदीत.