Popular Bible Verses from BAGALATIA 5

Share

Mme loungo lwa Mowa ke lorato, le boitumelo, le kagiso, le bopelotelele, le bopelonomi, le molemo, le boikanngo, le boingotlo, le boikgapo; dilo tse, ga di angwe ke molao ope.

Ka re, sepelang ka Mowa, mme ga lo ketla lo dirafatsa thato ya nama.

Fa re tshela ka Mowa, le gone a re sepeleng ka Mowa.

Mme ba e leng ba ga Keresete Jesu ba bapotse nama, le dikgotelo le dithato tsa yone.

Jaana ditiro tsa nama di a bonala, tse e leng boaka le bomaswe, le bopepe, le tirelo ya medimo ya disetwa, le boloi, le dikilano, le kgang, le mafufa, le dikgakalo, le ditomologano, le dikgaogano, le makoko, le dipelotshetlha, le matago, le ditlhapelo, le dilo tse di ntseng jalo; ke lo tlhagisa ka ga tsone, fela jaaka nkile ka lo tlhagisa, gore ba ba dirang dilo tse di ntseng jalo, ga ba ketla ba rua bogosi jwa Modimo.

Gonne lona, bagaetsho, lo bileditswe kgololesego; lo se ka lwa fetola kgololesego ya lona sebaka sa nama go itirela; mme lo nne batlhanka, mongwe wa yo mongwe mo loratong.

Gonne dithato tsa nama di tlhabana le Mowa, le Mowa o tlhabana le nama; gonne dilo tse di a tlhabana; e le gore lo se ka lwa dira tse lo di ratang fela.

Gonne molao otlhe o dirafadiwa mo lefokong le le lengwe fela, e bong mo go le, go re: “O rate wa gaeno jaaka o ithata.”

A re se nne boipelafatso fela, re se ka ra rumolana, ra direlana ka bopelotshetlha.

Keresete o re golotse ka kgololo; ke gone, tlhomamang, lo se ka lwa tlhola lo ikgweleanya ka jokwe ya botlhanka.