Popular Bible Verses from 2 BAKORINTHE 5

Share

Ke gone, fa motho a le mo go Keresete, o a ba a le sebopiwa se seša; dilo tsa bogologolo di fetile; bonang, di ntse dintšha.

Ene yo o ne a sa itse boleo bope, o mo dirile go nna boleo mo boemong jwa rona; gore rona re nne tshiamo ya Modimo mo go ene.

gonne re sepela ka tumelo, e seng ka pono.

Dilo tsotlhe di tswa mo Modimong, o o re itetlanyeditseng ka Keresete, mme tirelo ya tetlano wa e naya rona. Ke go re, Modimo o ne o le mo go Keresete, o itetlanya le lefatshe, o sa balele batho ditlolo tsa bone, mme lefoko la tetlanyo wa le naya rona.

Ke gone, re barongwa mo boemong jwa ga Keresete, go tshwana jaaka e kete Modimo o rapela ka rona. Re a lo rapela mo boemong jwa ga Keresete, ra re, lo letlane le Modimo.

Mme a swela botlhe, gore ba ba tshelang ba se tlhole ba itshelela, mme ba tshelele ene yo o suleng a ba a tsoga ka ntlha ya bone. Ke gone, ga re tlhole re itse motho ope ka fa nameng; mme le fa re kile ra itse Keresete ka fa nameng, jaanong ga re tlhole re mo itse jalo.

Gonne lorato lwa ga Keresete lo a re patelela; ka re sekaseka jaana, ra re, mongwe o swetse botlhe, ke gone botlhe ba ne ba sule.