Popular Bible Verses from Mar 14

Share

Nake nîwavoire atîrî, “Vava! We nîûvotaga gwîka maûndû monthe. Nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Îkaragani mwîmenyererete nîguo mûtikagwe mageriorî. Ngoro nî îrenda nwatî mwîrî ndûrî na vinya.”

Nîramwîra na ma atî kûrîa kuonthe Ûvoro Mwaro ûkaavunjua nthî yonthe, ûndû ûcio ambîka nîûkaaganagwa nîguo aririkanagwe.”

na akîîra arutwa ake atîrî, “Nie nîregua kîeva kîîngî mûno ngororî yakwa wa takwa nîngîkua. Îkarani ava na mûtikamame.”

Rîrîa maarîcaga, Jesû nîwocire mûgate akîûrathima, akîwenyûranga na akîûnengera arutwa ake akiugaga atîrî, “Keni; ûyû nî mwîrî wakwa.”

Nîwacokire agîoca gîkombe agîcokeria Ngai ngatho na akîmanengera; na onthe makînyunyanîra. Nake Jesû nîwamerire atîrî, “Îno nî nthakame yakwa ya kîrîkanîro, îrîa îgeetûrûrwa nîûndû wa andû eengî.

Jesû nîwamerire atîrî, “Muonthe nîmûkûremwa nî kûmîrîria na mûndiganîrie, nîûndû mandîko maugîte atîrî, ‘Ngai nîakaaûraga mûrîthi, nacio ng'ondu ivurunjûke.’

Rûngamani tûthiî! Roriani mûnjukanîrîri nîwakinya.”

Nake Jesû nîwamwîrire atîrî, “Nîrakwîra na ma atî, mbere ya ngûkû îgambe maita maîrî ûtukû ûyû wa ûmûnthî, nîûkwîthîrwa ûngaanîte maita mathatû atî we ndûmbîcî.”