Popular Bible Verses from Luka 19

Share

Nîûndû Mûrû wa Mûndû aaûkire gûcaria na kûvonokia andû arîa maûrîte.”

Nao nîmaagoocaga Ngai makiugaga atîrî, “Kûrathimwa nî mûthamaki ûrîa ûkîte na rîîtwa rîa Mwathani! Thayû ûrogîa îgûrû nake Ngai akumue!”

Nake Jesû nîwamwîrire atîrî, “Ûmûnthî ûyû ûvonokio nîwaûka mûciî ûyû nîûndû mûndû ûyû wa nake nî wa mbarî ya Iburahimu.

Na vîndî îrîa Jesû aakinyire rungu rwa mûtî ûcio, nîwaroririe îgûrû na akîîra Zakayo atîrî, “Zakayo, varûrûka narua ume mûtî îgûrû, nîûndû ûmûnthî nîngûtuîka mûgeni waku.” Nake Zakayo nîwaumire mûtîrî îgûrû narua na akîgwata Jesû ûgeni akenete mûno.

Nake Zakayo nîwaumîrire vau mbere yao onthe na akîîra Mwathani atîrî, “Tathikîrîria Mwathani! Nie nîngûva athîni nuthu ya indo ciakwa. Na angîthîrwa kûrî mûndû nanacuuna kîndû gîake, nîngûmûrîva maita mana ma kîo.”

Nao Afarisai amwe arîa maarî kîrîndîrî nîmeerire Jesû atîrî, “Mwarimû, îra arutwa aya aku makire.” Nake Jesû nîwamacokerie atîrî, “Nîramwîra atî arutwa aya mangîkira, namo mathiga nîkwa makwambîrîria kwina.”