Popular Bible Verses from Ciîko 4

Share

Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

Na rîu Mwathani, ta roria wone ûrîa maratûmakia. Tue tûrî ndungata ciaku. Tûvotithie tûvecanage ndûmîrîri yaku tûrî na ûmîrîru.

Jesû nîke mandîko matheru maugaga atîrî; ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.’

Nao athuuri a Kîamma nîmaamakire moona ûrîa Petero na Johana maaûmîrîrîtie. Nîmaamenyire atî o maarî andû mataarî ngûrani na andû arîa engî na matiarî athomu. Kwoguo nîmaamenyire atî Petero na Johana nîmaatûûranîtie na Jesû.

Etîkia onthe maarî na ngwatanîro ya ngoro na meciria. Gûtirî mûndû wana ûmwe gatagatîrî kao waugaga atî arî na kîndû gîake arî wenga. Maatûmagîra indo ciao cionthe marî vamwe.