Popular Bible Verses from Mat 27

Share

Saa kenda syavika, Yesũ nĩwakayie na wasya mũnene ayasya atĩĩ, “Eli, Eli, lama savakathani?” Ũalyũlo wayo nĩ, “Ngai wakwa, Ngai wakwa, ũndekee kĩ?”

Kavindanĩ o kau kĩtambaa kĩla kyatilanĩtye Ĩkalũ nĩkyatembũkanĩle katĩ kuma ĩũlũ kũvika nthĩ. O ta ũu nĩkweethĩiwe na kĩtetemo kya nthĩ, na mavia manene maatũkanga. Mbũa o nasyo nĩsyavingũkangie, na mĩĩ ya andũ aingĩ ma Ngai ala makw'ĩte yasyũkw'a.

Yesũ nĩwakayie ĩngĩ na wasya mũnene na akw'a.

Yĩla mũnene wa asikalĩ ĩana vamwe na asikalĩ ala maĩ nake maisunga Yesũ meewie kĩtetemo kĩu kya nthĩ, na moona maũndũ onthe ala meekĩka, nĩmakwatiwe nĩ w'ĩa mwingĩ na masya atĩĩ, “Kwa w'o, ũũ eĩ Mwana wa Ngai!”

Kuma saa sita kũvika saa kenda sya mũthenya, nthĩ ĩsu yonthe nĩyameisye kĩvindu.

Vilato amakũlya atĩĩ, “Nake Yesũ ũla wĩtawa Klĩsto nĩĩkana nake ata?” Onthe mamũsũngĩa mamwĩa, “Nĩambwe!” Vilato amakũlya atĩĩ, “Nĩkĩ? Ekĩte ĩvĩtyo yaũ?” Ĩndĩ malonzanĩĩlya mũno mbee mayasya atĩĩ, “Nĩambwe!”