Popular Bible Verses from Lk 14

Share

“Vai mũndũ ũtonya kũtw'ĩka mũmanyĩw'a wakwa atambendete mbee wa ĩthe wake, nyinyia, mũka, syana syake, ana-a-inyia, na eĩtu-a-inyia. Ĩĩ, ndatonya kũtw'ĩka mũmanyĩw'a wakwa atambendete mbee wa ũndũ wĩyendete we mwene.

O ta ũu, ũla ũtakuaa ngelany'o yake na kũngatĩĩa ndatonya kũtw'ĩka mũmanyĩw'a wakwa.

Nũndũ ũla wĩnenevasya akanyivw'a, nake ũla wĩnyivasya akanenevw'a.”

Kwoou vai ũmwe katĩ wenyu ũtonya kũtw'ĩka mũmanyĩw'a wakwa ethĩwa ndatia syĩndũ syake syonthe.

“Nũũ katĩ wenyu ayenda kwaka nyũmba ndũlu, ũtambaa kwĩkala nthĩ eke masavu mayo, na aisisya kana e na mbesa mbĩanu? Ethĩwa akambĩĩa mwako ũsu na ũyĩemela katĩ, andũ mawona mambĩĩa kũmũthekeea mayasya, ‘Mũndũ ũũ ambĩlĩĩlye mwako na waemela katĩ!’

Ĩndĩ thokasya ala ngya na ala au mamutha, ala me na maũũ mathũku na ilalinda. Kwa nzĩa ĩsu ũkakwata ũathimo nũndũ mo maikũĩvĩkya, ĩndĩ ũkaĩvwa ĩvinda yĩla andũ ala mekaa ũla waĩlu makathayũũka kuma kwa akw'ũ.”

“Mũnyũ nĩ mũseo, ĩndĩ ethĩwa nĩwaasya mũsamo, vai kĩndũ kĩtũngĩĩa mũsamo waw'o. Ndwĩ vata kwĩkĩwa mũũndanĩ kana vũũnĩ, na kwoou nĩwĩkaw'a ĩtheka. Ũla wĩ kũtũ nĩew'e!”