Popular Bible Verses from YOANA 15

Share

Nyie, ninyie mũsavivũ, nenyu mwĩ tũũvonge: ũla wĩkalaa nthĩnĩ wakwa, nakwa nĩ nthĩnĩ wake, ũsu asyaaa ũsyao mwingĩ: nũndũ nde vo nyie, mũtĩtonya kwĩka ũndũ nongi.

Ĩkalai nthĩnĩ wakwa, nakwa nthĩnĩ wenyu. Ũndũ kaũvonge katatonya kũsyaa ke koka, ate o kakĩkala mũsavivũnĩ; ta ũu o nenyu mũtitonya, mũtekwĩkala nthĩnĩ wakwa.

Mũkĩkala nthĩnĩ wakwa, na ndeto syakwa ikĩkala nthĩnĩ wenyu, voyai ũla mũkwenda w’onthe, na mũkeekwa.

Ti inyw’ĩ mwanyuvie, ĩndĩ ninyie namũnyuvie, na namwia, nĩ kana mũendae mũisyaa, na ũsyao wenyu wĩkale: nĩ kana o ũla mwĩvoyaa Asa syĩtwanĩ yakwa, amũnengae.

Vai mũndũ wĩ wendo mwingĩ ũvĩtũkĩte ũũ, wa mũndũ kũwia thayũ wake nthĩ nũndũ wa anyanyae.

Kĩla kaũvonge ke nthĩnĩ wakwa katasyaaa, nũkavetaa: na kĩla kaũvonge kasyaaa, nũkatheasya, nĩ kana kongeleke ũsyaa.

Ũũ nĩw’o mwĩao wakwa, nĩ kana mwendane inyw’ĩ kwa inyw’ĩ, o ũndũ namwendie.

Asa wakwa nũtaĩawa ũndũnĩ ũũ wa inyw’ĩ kũsyaa ũsyao mwingĩ; na kwĩthĩwa amanyĩw’a makwa.

Nyie, ninyie mũsavivũ ũla wa w’o, na Asa nĩwe mũĩmi.

Mũndũ atekwĩkala nthĩnĩ wakwa, ekaw’a ũtee tondũ kaũvonge kekaw’a, na kakoma; na andũ nĩmatũmbanasya, na maitwĩkya mwakinĩ, na tũivya.

Nĩnamũtavya maũndũ aa, nĩ kana ũtanu wakwa wĩthĩwe nthĩnĩ wenyu, na ũtanu wenyu wĩthĩwe wĩ musũu.

Ethĩwa nĩmũkwataa mĩao yakwa, mũkekalaa wendonĩ wakwa; o ũndũ nyie nakwataa mĩao ya Asa wakwa, na nĩkalaa wendonĩ wake.

Maũndũ aa nĩngũmwĩaĩa, nĩ kana mwendane inyw’ĩ kwa inyw’ĩ.

Kethĩwa mwĩ ma nthĩ, nthĩ ĩthĩwa ĩkyenda ala mayo: ĩndĩ nũndũ mũti ma nthĩ, ĩndĩ namũnyuvie kuma kwa ala ma nthĩ, kwondũ wa ũu nthĩ nĩnĩũmũmena.