Popular Bible Verses from EMERENG’ANIO 3

Share

Osemerie Omonene nenkoro yao yonsi; tobaisa gosemeria okomanya kwao. Orengererie Omonene, omoorokie ase chinchera chiao chionsi, nere narongeyie oboeto bwao.

Tobaisa gwekora omong’aini ase okorora kwao omonyene; omoiroke Omonene na bweatanane korwa ase amabe.

Osike Omonene ne chinibo chiao chionsi na ogotongora kwao gwonsi kw’endagera. Erio ebiage biao mbiichore nendagera enyinge na ebimitero biao biichore nedivai engiya.

Totiga obuya na ekeene birue asore; obisibe ase rigoti riao, na obirike ase enkoro yao.

Omwana one, tobaisa kwanga gose gochaya ogoaka kw’Omonene kw’ogokorongeyia. Omonto onde bwensi Omonene anchete nigo akomorongeyia, buna ise omwana akorongeyia omwana oria agokirie nere.

Omwana one, tobaisa kweba amorokererio aane, korende tiga enkoro yao ebwate amachiko aane. Ayio nagere omenye amatuko amange, na emiaka emenge, naende ogendererete koba nomorembe.

Nare nomogoko omonto oyio onyorire obong’aini naende ore nokomanya. Obong’aini nigo bobwate ebitoki ebinge kobua ebie chifeta na ebie chitahabu. Nigo bore nengencho enene kobua amagena akomeka‐meka e rigori rinene, gose tokoboreng’ania na kende gionsi oganetie.

Tobaisa korina abaremerwa amaya aya bagwenerete konyora, onye ayio are ase okobua kwao kobak onya.

Omonene nigo abegete oboroso bw’ense nobong’aini bwaye, na agakong’ia igoro nokomanya kwaye.