Popular Bible Verses from LUKA 3

Share

Egachia koba abanto bonsi kobabatisirwe, na Yeso boigo kabatisirwe, na ekero agosaba, igoro akamaanoka. Omoika Omochenu ogaika igoro asare ase omogwekano bwe riruma, eriogi rikarwa igoro, rigoteba, “Aye naye Omwana one omwanchwa, ngokirie naye.”

Yohana akairaneria abwo bonsi, “Inche nigo nkobabatisa ase amache, korende oyore ne chinguru kombua ngocha are, tinyisaini gosibora chinuga chi’ebikoroto biaye; oyio nere orababatise ase Omoika Omochenu na ase omorero.

Gaki, ama okwama kogwenerete okoonchoka, gose timochaka kobora emioyo yaino ime: Ntore na sokoro yaito, nere Ibrahimu. Naki nabatebirie ng’a Nyasae nare nokobua ase amagena aya gokorera Ibrahimu abana.

Nonya mbono egesire kiabekirwe ase emeri y’emete; nabo kera omote otameti okwama okuya nonachwe, otugutwe ase omorero.”

Buna erikire ase ebuku y’amang’ana ’omobani Isaya, “Eriogi ri’oyogoaka egeturi ase erooro, Roisia enchera y’Omonene, rongeyia oboeto bwaye. Kera rigooko nariichorigwe, na kera ekegoro na egetunwa nabikeeigwe; aare bogeka inarongeigwe, na enchera ere ebitunwa‐tunwa nereng’anigwe; na abanto bonsi nabarore ogotooreka gokorwa ase Nyasae.”