Popular Bible Verses from OKONG’ANYA 20

Share

“Inche ninche Omonene, Nyasae oo, oyokorusetie ase ense ya Misiri, ase ense y’obosomba. “Toba ne chinyasae chinde otatiga inche.

“Tobaisa gwekorera omogwekano bw’ogosasimwa, omogwekano o getongwa kende gionsi kere igoro, gose kere ense, gose kere ime ase amache inse y’ense. Tobaisa gosasima gose gokorera emegwekano ekorire, ekiagera inche ninche Omonene, Nyasae oo, Nyasae bwe risemi. Ase engencho y’amabe ’abaibori nigo nkoa abana egesusuro goika ekiaare kia gatato na egia kane, abwo bangechete.

“Sika iso na nyoko, nario oramenye amatuko amange ase ense eye Omonene, Nyasae oo, akoeire.

“Riinyore rituko ri’Esabato, orirende ribe richenu.

“Toriatora bosa na korikorera bobe erieta ri’Omonene, Nyasae oo, ekiagera Omonene tagotiga komoa egesusuro omonto oria okoriatora bosa na korikorera bobe erieta riaye.

Amatuko atano na rimo okore emeremo yao yonsi, korende rituko ria gatano na kabere nerituko ri’Esabato, riatananetwe na Nyasae oo. Ase rituko erio tokora emeremo ende yonsi, aye, gose omwana oo, omomura gose omoiseke, nonya nomosomba oo, omomura gose omoiseke, gose chitugo chiao, gose omomenyi ore mwao.

“Tobaisa kogania enyomba y’omogisangio oo. Tobaisa kogania omokungu bw’omogisangio oo, nonya nomosomba oye, omomura gose omoiseke, gose eng’ombe yaye, gose etigere yaye, gose kende gionsi omogisangio oo abwate.”

“Tomotebera omogisangio oo oborimo.

“Totomana.

“Toita.

“Toiba.