Popular Bible Verses from OGOKORA KW’ABATOMWA 2

Share

Petero akabairaneria, “Onchoka, mobatiswe kera oyomo ase erieta ria Yeso Kristo, monyore okwaberwa kw’ebibe biaino, na inwe inamoegwe ekeegwa ki’Omoika Omochenu.

Barabwo bakagenderera ase okworokereria kw’abatomwa na ase obomo, ase ogosamunyora omogati na ase ogosaba.

Bonsi bagaichorwa n’Omoika Omochenu, bagachaka gokwana ase emenwa emeao, buna Omoika obaete gwatora.

Mobosokano okogusa kogacha korwa igoro, okogusa buna ogw’ekerambauti gekogusa ne chinguru, kogaichora enyomba yonsi aase baikaransete. Chimeme buna echi’omorero chikabaorokera, chikabaatananekera, naende chikabaikaransera kera oyomo obo. Bonsi bagaichorwa n’Omoika Omochenu, bagachaka gokwana ase emenwa emeao, buna Omoika obaete gwatora.

Kera rituko bakagenderera gosangererekana amo ase Hekalu ime, bagosamunyora emegati enyomba ase enyomba na koragerera amo ase omogoko na ase chinkoro chi’oboitongo, bakomotogia Nyasae na kogwenera abanto bonsi. Omonene akabamentera kera rituko ase okorenta baria barenge gotoorigwa.

“Nebe ase amatuko ’omoerio, Nyasae otebire, nimbaiterere abanto bonsi Omoika one, na abana baino, abamura na abaiseke, inababane. Abamura baino nabarore amaroro, na abagaaka baino nabarote chindoto.

Na bonsi abegenete nigo barenge aase amo, naende bakaba nebinto bionsi ase obomo; bakaoonia chinibo chiabo na ebinto ebibarenge nabio, na kobigabera abanto bonsi koreng’ana buna kera oyomo aremeire.

Naende nebe ng’a kera oyorarangerie erieta ri’Omonene natoorigwe.

Erioba narionchoke ribe omosunte, na omotienyi nobe amanyinga, ekero rituko riria ri’Omonene ritaracha, rituko erire rinene, na erire maiso marore.