Popular Bible Verses from Mal 3

Share

“Reteni matega menyu makûmbîrî makwa, nîguo nyomba yakwa îgîe na irio cia kwîgana. Mue nwa mûcoke mûngerie. Mweka ûguo, nîmûkoona kana tîmvingûra ndirica cia îgûrû na nîmwîtûrûrîre irathimo ciakwa.

Nîngengata cianangi itigacûkangie kîmera kîenyu. Mîthavibu ya mîgûnda yenyu ndîgatiga gûciara matunda. Ûguo nîguo nie Ngai-Mûnene, mwene vinya wonthe nîrauga. Nao andû a mavûrûri monthe makaugaga mûrî arathime, nîûndû vûrûri wenyu wonthe ûkethagîrwa wîcûrîtwe nî gîkeno. Ûguo nîguo nie Ngai-Mûnene, mwene vinya wonthe nîrauga.”

Ngai-Mûnene mwene vinya wonthe augîte kwandîkîtwe atîrî, “Andû acio magatuîka andû akwa. Matuîka îgai rîakwa mûthenya ûrîa ngarûngama nîguo mbîke ûrîa nduîte gwîka. Ndikameka naaî wata ûrîa îthe wa mwana atangîka mwana ûrîa mwathîki naaî. Namue nîmûkoona ngûrani ya mûndû ûrîa mûthingu na mûndû ûrîa mwaganu; na mûmenye ngûrani ya mûndû ûrîa ûtungatagîra Ngai, na ûrîa ûtamûtungatagîra.”

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”