Popular Bible Verses from Ciîko 1

Share

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Nake Jesû nîwamerire atîrî, “Tî ûvoro wenyu kûmenya ciathî na mavinda irîa Vava atuîte ke mwene na wathani wake.

Na arî vamwe nao nîwamaathire atîrî, “Mûtikaume Jerusalemu, nwatî etererani kîveo kîrîa naamwîrire ûvoro wakîo, kîveo kîrîa vava aamwîrîîre. Johana aavatithagia andû na manjî, nwatî vuva ya mîthenya mînini nîmûkaavatithua na Roho Mûtheru.”

Vuva wa gûkua gwake Jesû nîweyonithanirie na njîra nyîngî atî aarî mwoyo. Îvindarî rîa mîthenya mîrongo îna kuuma akua nîwamaumîrîre na akîmeera ûvoro wîgiî Ûthamaki wa Ngai.

Nake Jesû arîkia kuga ûguo, nîwavirirwe îgûrû wa mamûroretie na îtu rîkîmûkunîka magîtiga kûmwona.

Rîrîa maaroretie îgûrû akiunûkia arûme aîrî nîmaarûngamire rwarurî rwao mekîrîte nguo cia rangi njerû. Nao arûme acio nîmaamerire atîrî, “Mue andû a Galili, mûrûngamîte mûroretie îgûrû nîkî? Jesû ûcio wauma kûrî mue avirwa îgûrû nîagaacoka rîngî wata ûguo mwona akîthiî îgûrû.”