Popular Bible Verses from मरकुस 11

Share

इधी कठे हांऊँ तुस्सा किन्हें बोल्हा कि, जो कुछ तुस्से प्रार्थना मन्झ मान्घगे, ता विस्वास करी लऊआ कि तुस्सा जो मिली गया, होर ये तुस्सा रे कठे हुई जाणा।

हांऊँ तुस्सा किन्हें सच्च बोल्हा कि, “जो कोई ऐस प्हाड़ा जो बोले, ‘तू पठ्ही जा, होर समुद्रा मन्झ पई जा,’ होर आपणे मना मन्झ सक नी करहे, पर विस्वास करहे कि, जो बोल्हा ऐं, से हुई जाणा, ता से तेसरे कठे से हुई जाणा।

होर जेबे तुस्से प्रार्थना करहा ऐं, होर अगर तुस्सा जो केसी रे खलाफ सिकायत हो, ता तेस जो माफ करा: ताकि तुस्सा रा स्वर्गीय बापू तुस्सा रे पाप माफ करी दे।

यीसूए तेस जो जवाब दितेया कि, तुस्से हरान मत हुआ, “परमेसरा पर विस्वास रखा।”

होर तिन्हा जो उपदेस देई किन्हें बोल्या कि, पवित्र सास्त्रा मन्झ लिखिरा कि, “मेरे मन्दरा जो सब जातिया रे लोका रे कठे प्रार्थना रा घर बोल्या जाणा पर तुस्से ये डाकुआ रा आडा बणाई दितिरा।”

होर जो तेसरे अगे-अगे होर पीछे-पीछे चल्हा ऐं थे, स्यों खुसी किन्हें चिंगी -चिंगी किन्हें बोल्हा ऐं थे, “परमेसरा री बड़ाई हो; धन्य आ से, जो प्रभु रे हका ले आहूँआं।”

धन्य आ! तू जेबे आस्सा रे बापदादे राजे दाऊदा साहीं राज करहा; “परमेसरा री बड़ाई हो जो स्वर्गा मन्झ आ।”