Popular Bible Verses from मत्ती 6

Share

पर सभ गल्ला ले पैहले तुस्से परमेसरा रे राज्या री होर तेसरी धार्मिकता जो तोप्हा, ता तेस ये सारी चीजा तुस्सा जो देणी जेता री तुस्सा जो ज्रूरत ई।

इधी कठे काला री फिकर मत करा, क्यूंकि काल्के ध्याड़ेया आपणी फिकर आपणे आप करी लैणी, आजके कठे आजा रा दुःख बौह्त आ।”

इधी कठे हांऊँ तुस्सा किन्हें सच्च बोल्हा कि, आपणे जीणे रे कठे खाणे-पीणे फिकर मत करा। होर आपणे सरीरा रे कठे कपड़े री फिकर छाडी देआ। क्यूंकि जिन्दगी खाणे ले होर सरीर कपड़े ले बढ़ी किन्हें हाया

पर जेबे तू प्रार्थना करहे, तेबे आपणे कमरे मन्झ जा; होर दुराजा बंद करी किन्हें आपणे बापू किन्हें जो परदे मन्झ आ प्रार्थना कर; तेबे तेरा बापू जो परदे मन्झ देख्हा, तुजो इनाम देणा।

“इधी कठे, तुस्से इंहां करी किन्हें प्रार्थना करेया करा: ‘हे आस्सा रे बापू, तुस्से जो स्वर्गा मन्झ ऐं; तुस्सा रा नांऊँ पवित्र मन्या जाए। तुस्सा रा राज्य आये, जिहां तुस्सा री इच्छा स्वर्गा मन्झ पूरी हुंहाँ ईं, तिहां ईं धरती पर भी पूरी हो।

आस्सा री ध्याड़ी भरा री रोटी आज आस्सा जो दे।

होर जिहां आस्से आपणे गुन्हेगारा जो माफ करहा ऐं, तिहां ईं तू भी आस्सा रे पापा जो माफ कर।

होर आस्सा री परखणी नी कर, पर आस्सा जो तेस दुस्ट सैताना ले बचा; क्यूंकि राज्य होर सामर्थ होर महिमा हमेसा तुस्सा रे ई ऐं।’ आमीन।”

“इधी कठे अगर तुस्से माह्णुंआं रे गलतिया जो माफ करघे, ता तुस्सा रे स्वर्गीय बापूआ भी तुस्सा रे पाप माफ करी देणे।

आसमाना रे चिड़ुआ जो देखा! स्यों ना ता बाहें, होर ना काटहा ऐं, होर ना पेड़ु मन्झ कठा करहा ऐं; फेरी भी तुस्सा रा स्वर्गीय बापू तिन्हा जो खुआहाँ, होर तुस्सा री कीमत तिन्हा ले बढ़ी किन्हें हाई।

“आपणे कठे धरती पर ढब्बे कठे मत करा; जेथी कीड़े होर जंग नास करी देहां ऐं, होर जेथी चोर चोरी री ताका मन्झ रैंहयां ऐं। पर आपणे खरे कामा किन्हें स्वर्गा मन्झ धन कठा करा, जेथी ना ता कीड़ा, होर ना जंग खराब करहा, होर जेथी ना ता चोर चोरी री ताका मन्झ रहें। क्यूंकि जेथी तेरा धन आ तेथी तेरा मन भी लगी रैहणां।”

“कोई माह्णुं दो माल्का री सेऊआ एक ई टैमा पर नी करी सक्दा, क्यूंकि तेस एकी किन्हें दुस्मणी होर दूजे किन्हें प्यार रखणा, या तेस एकी किन्हें मिली किन्हें रैंह्णां होर दूजे जो तेस घटिया समझणा, तुस्से परमेसरा री होर ढब्बे री सेऊआ एक साउगी नी करी सकदे।

इधी कठे जेबे परमेसर मदाना रे घाह री परवाह करहा, जो आज हाया, होर जो काला आगी मन्झ फुकी देणा, हे! कम विस्वास रखणे वाल्यो, परमेसरा तुस्सा री परवाह एता ले भी बढ़ी किन्हें करणी।

पर जेबे तू दान करहे, ता जो तेरा सीधा हाथ करहा, तेता रा पता तेरे पुठा हाथा जो नी चलणे पाए। ताकि तेरा दान परदे मन्झ रहे; होर तेबे तेरा बापू जेह्ड़ा परदे मन्झ देख्हा, तुजो इनाम देणा।”

“चतन्न रहुआ! तुस्से माह्णुं जो दसणे रे कठे आपणे खरे काम नी करा, नी ता तुस्सा आपणे स्वर्गीय बापू ले कुछ भी इनाम नी पाणा।

“जेबे तुस्से ब्रत करो, ता पाखंडिया साहीं तुस्सा रे मुंहा पर दुआसी नी हूणीं चहिए, क्यूंकि स्यों आपणा मुंह फुलाई रख्हा ऐं, ताकि लोक तिन्हा जो ब्रत रखणे वाल़े जाणें, हांऊँ तुस्सा किन्हें सच्च बोल्हा कि, स्यों आपणा इनाम पाई चुके, जो तिन्हा जो लोका री बड़ाई करणे ते मिल्या। पर जेबे तू ब्रत करहे ता आपणे मूंडा पर तेल मल होर मुंह धोई ले। ताकि तेरे ब्रता रे बारे मन्झ तेरे स्वर्गीय बापू रे सिवाए केसियो पता नी लगे, होर जो तू जो लुके छुपे करहा, तुस्सा रा बापू जो सब कुछ देख्हा तेस तुस्सा जो इनाम देणा।”