Popular Bible Verses from मत्ती 24

Share

होर पाप बढ़ने ले कई लोका एक दूजे किन्हें प्यार करणा छाडी देणा। पर जो आपणे मरणे रे टैमा तक धीरज रखघा, तेसरा ई उद्धार हूंणां।

होर राज्या री ये खुसी री खबर सारे संसारा मन्झ प्रचार कितेया जाणा, ताकि सब जातिया रे लोका तेस जो सुणी लैन्घे, तेबे संसारा रा अंत आई जाणा।”

होर तुस्से लड़ाई, होर लड़ाईया री गल्ला सुणघे, डरदे देख्या क्यूंकि इन्हारा हूंणां जरूरी आ, पर तेस टैम अंत नी हूंणां।

क्यूंकि एक जातिया दूजी जाति रे बरखलाफ, होर एक राज्या दूजे राज्या रे बरखलाफ लड़ाई करणी, होर कई जगहा पर हिलण हूंणे, होर अकाल पौऊणे। ये सभ गल्ला पीड़ा री सुर्हूआत हूणीं।

आसमान होर धरती टली जाणे, पर जो मैं बोली दितेया, से पूरा हुई किन्हें रैहणा।”

क्यूंकि बौह्त लोका एह्ड़ा करणा तिन्हा मेरे हका मन्झ आऊंणा, होर तिन्हा बोलणा कि, ‘हांऊँ मसीह आ,’ होर तिन्हा बौह्त लोक भरमाणे।

तेबे जेह्ड़े तुस्सा रे बरखलाप ऐ, दुःख देणे रे कठे तुस्से पकड़वाणे, होर तुस्से मारी देणे होर तुस्से मेरे पर विस्वास रख्हा ऐं इधी कठे सभी जातिया रे लोका तुस्सा किन्हें बैर करणा। होर तेबे कईया विस्वास करना छाडी देणा, होर एक दूजे किन्हें बैर रखणा। होर कई झूठे नबी आऊंणा, होर कई भरमाणे।

यीसूए तिन्हा जो जवाब दितेया, “चतन्न रैहया! कि कोई तुस्सा जो ना भरमाए।

इधी कठे तुस्से मेरे दबारा वापस आऊणें रे कठे त्यार रहा, क्यूंकि जेस टैमा रे बारे मन्झ तुस्से सोच्दे भी नी, तेस ई टैम मां माह्णुं रा मह्ठे आई जाणा।”

इधी कठे जागदे रैहया, क्यूंकि तुस्से नी जाणदे कि तुस्सा रे प्रभु केस ध्याड़े आऊंणा।

“तेस ध्याड़े होर तेस घड़ी रे बारे मन्झ कोई नी जाणदा, ना स्वर्गा रे स्वर्गदूत, होर ना मह्ठा, पर सिर्फ बापू।

“क्यूंकि झूठे मसीह होर झूठे नबिया आऊंणा, होर तिन्हा बड़े चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

जिहां नूहा रे ध्याड़े थे, तिहां ईं मां माह्णुं रे मह्ठे रा आऊंणा भी हूंणा। क्यूंकि जिहां जल-प्रलया रे टैमा मन्झ पैहले, जेस ध्याड़े तक कि नूह जहाजा पर नी चढ़ेया, तेस ध्याड़े तक लोक खांदे पींदे रहे, होर तिन्हा मन्झ ब्याह हुन्दे रहे। होर जेबे तक जल-प्रलय तिन्हा सभिया जो बहाई किन्हें नी लई गया; तेबे तक तिन्हा जो कुछ भी पत्ता नी लग्या, तिहां ईं मां माह्णुं रे मह्ठे भी आऊंणा।