Popular Bible Verses from लूका 19

Share

क्यूंकि जो लोक परमेसरा ले दूर हुई गईरे तिन्हा जो तोपणे होर तिन्हारा उद्धार करणे रे कठे हांऊँ माह्णुं रा मह्ठा आईरा।”

“धन्य आ से राजा, जो प्रभु रे हका ले आहूँआं; स्वर्गा मन्झ सांति होर आसमान मन्झ महिमा हो।”

तेबे यीसूए तेस किन्हें बोल्या, “आज एस घरा रे लोका मन्झ उद्धार आईरा, इधी कठे कि ये भी अब्राहमा रा एक मह्ठा।

जेबे यीसू तेस अंजीरा रे डाला वाले पुज्हेया, ता तिन्हें गास देखी किन्हें तेस जो बोल्या, “हे जक्कई झटपट उतरी जा, क्यूंकि आज मेरा तेरे घरा मन्झ रैंह्णां जरूरी आ।” से झटपट डाला ले थाले उतरेया होर आपणे घरा यीसू जो लई गया, होर खुसी किन्हें तेसरा स्वागत कितेया।

खाणा खांदी बारी जक्कई ऐे खड़ी किन्हें प्रभु किन्हें बोल्या, “हे प्रभु यीसू, देख हांऊँ आपणी आधी जायदाद गरीबा जो देई देहां, होर अगर मैं केसी रा कर भी बईमानी करी किन्हें लई लईरा हो, ता तेस जो मां चार गुणा वापस करी देणा।”

तेबे भीड़ा मन्झा ले कितने फरीसी लोक तेस किन्हें बोल्दे लगे, “हे गुरु आपणे चेले जो झिड़का इन्हें जे एह्ड़ा बोल्या।” यीसूए जवाब दितेया, “हांऊँ तुस्सा किन्हें बोल्हा, अगर ये लोक चुप रैहे, ता इन्हा पात्थरा चिंगी किन्हें मेरी महिमा करणी।”