Popular Bible Verses from यहून्ना 16

Share

मैं ये गल्ला तुस्सा किन्हें इधी कठे बोली, ताकि तुस्सा जो मेरे मन्झ सांति मिलो; संसारा मन्झ तुस्सा जो कलेस हुंहाँ, पर हिम्मत करहा! मैं संसार जीती लईरा।”

पर तेस पवित्र आत्मा जो आस्सा जो सच्चाई पर लेई जांहीं जेबे आऊंणा, ता तेस तुस्सा जो परमेसरा री सारी सच्चाईया दसणी। क्यूंकि से आपणे आपा ले कुछ नी बोलदा, पर जो गल्ला से परमेसरा ले सुणना, तेस तेह्ड़ा ई बोलणा, होर इधी कठे हूंणे वाली गल्ला तुस्सा जो दसणी।

ऐबे तक तुस्से मेरे चेले हूंणे री वजहा ले मेरे बापू ले कुछ नी मान्गेया; मान्घगे ता तुस्सा जो मिलणा ताकि तुस्सा री खुसी भरपूर हुई जाए।”

तेबे बी हांऊँ तुस्सा किन्हें सच्च बोल्हा कि, मेरा जाणा तुस्सा रे कठे खरा आ। क्यूंकि अगर हांऊँ तुस्सा ले दूर नी जाऊँ, ता तेस पवित्र आत्मा जो तुस्सा रा मददगारा तुस्सा वाले नी आऊंणा, पर अगर हांऊँ जांघ्हा, ता मां से तुस्सा वाले भेजी देणा। होर से मददगार पवित्र आत्मा आई किन्हें संसारा रे लोका जो पाप, धार्मिकता होर न्याया रे बारे मन्झ सच्चाई दसणी।

इंहां करी किन्हें तुस्सा जो भी ऐबे दुःख हुंहाँ, पर मां तुस्सा किन्हें फेरी दबारा मिलणा होर तुस्सा रे मना मन्झ खुसी हूणीं; होर तुस्सा री खुसी तुस्सा ले केसी नी छुड़ाणी। तेस टैम जेबे तुस्सा हांऊँ दबारा देखणा तेबे तुस्सा मेरे ले कुछ नी मान्गणा। हांऊँ तुस्सा किन्हें सच्च -सच्च बोल्हा, क्यूंकि तुस्से मेरे चेले ऐं, जो कुछ तुस्से बापू ले कुछ मान्घगे, ता तेस तुस्सा जो देणा।

हांऊँ तुस्सा किन्हें सच्च -सच्च बोल्हा कि, मेरे मरणे रे बाद तुस्सा रोणा होर कर्लाणा, पर संसारा रे लोका खुसीया मनाणीं। तुस्सा जो दुःख हूंणां, पर जेबे मां जिउंदे हुई जाणा ता तुस्सा रा दुःख खुसीया मन्झ बदली जाणा।