Popular Bible Verses from चुणिरे चेले रे काम 1

Share

पर जेबे पवित्र आत्मा तुस्सा पर आऊंणा तेबे तुस्सा सामर्थ पाणी; होर यरुस्लेम सैहरा होर सारे यहूदिया ईलाके होर सामरिया ईलाके, होर पुरे संसारा मन्झ लोका जो तुस्सा मेरी गुआह देणी।

यीसूए तिन्हा किन्हें बोल्या, समय होर काला जो जाणना तुस्सा रा काम नी आ। इन्हा गल्ला रा फैसला करणे रा हक मेरे बापू वाले आ।

जेब्की से हाल्ले भी तिन्हा साउगी था तेबे यीसूए तिन्हो हुक्म दितेया कि, “यरुस्लेम सैहरा जो नी छाडा, पर बापू री तेस वादे रे पूरा हूंणे रा इंतजार करदे रैहया, जेसरे बारे मन्झ तुस्से मेरे ले सुणी चुकिरे। क्यूंकि यहून्ना बपतिस्मा देणे वाल़े ता पाणी मन्झ बपतिस्मा दितेया पर थोह्ड़े ध्याड़े ले बाद तुस्सा जो पवित्र आत्मा रा बपतिस्मा मिलणा।”

आपणे दुःख सैहणे होर मरणे रे बाद चाली ध्याड़े तक चेलेया जो सुझ्दा रैहया। होर बौह्त सारे पक्के सबूत देई-देई किन्हें आपणे आपा जो जिउंदा साबित कितेया। होर से तिन्हा किन्हें परमेसरा रे राजा री गल्ला करदा रैहया।

एह्ड़ा बोलणे ले बाद तिन्हारे देख्दे-देख्दे परमेसरे से स्वर्गा जो चकी लितेया गया, होर एक बादला री वजहा ले स्यों तेस जो देखी नी सके।

जेबे यीसू जाया करहा था ता स्यों आसमाना वखा जो ध्याना ल्गाई किन्हें देख्या करहा ऐं थे, ता देखा, दो माह्णुं चीटे कपड़े पैन्ही किन्हें तिन्हा वाले खड़ी गये। होर बोल्दे लगे, हे गलील जिल्ले रे माह्णुंओ, तुस्से खड़ी किन्हें आसमाना वखा किधियो देख्या करहा ऐं? यीसू जो परमेसरे तुस्सा रे बिचा ले स्वर्गा वखा जो चक्की लईरा। जेस तरीके किन्हें तुस्से से स्वर्गा वखा जो जांदा देख्या, तिहां ईं तुस्सा दबारा वापस आऊंदे देखणा।