Popular Bible Verses from यूहन्ना 13

Share

“हऊँ तुहांजो इक नया हुक्म देआं भई तुहें इक्की दुज्जे ने प्यार करा; तियां जे मैं तुहांजो प्यार कित्या तियां इ तुहें इक्की दुज्जे ने बी प्यार करा। जे तुहें इक्की दुज्जे ने प्यार कराँ यें, इसते इ सब्बीं जो ये पता लगी जाणा भई तुहें मेरे चेले।”

फेरी तंजे मैं प्रभु कने गुरू हुईने बी तुहांरे पैर धोए, तुहां बी अप्पूँ चियें इक्की दुज्जे रे पैर धोईने माह साई करदे रैयों। मैं तुहां खातर इक उदाहरण रखया; इस खातर भई तुहें बी तेढ़ा इ करा तेढ़ा जे मैं तुहांजो कित्या?

यीशु ये तिस्सो जबाब दित्या, “जो किछ हऊँ करया राँ सै अजें तिज्जो पता नीं लगणा, पर सै वक्त औणे पर सारियां गल्लां रा पता लगी जाणा।”

हऊँ तुहांजो सच-सच बोलां, इक दास अपणे गुरुये ते बडा नींआ, कने नांई इक सनेहा देणे औल़ा तिसते बड्डा सै जे तिसजो भेज्जां।

हुण तां जे तुहें इन्हां सब गल्लां जो जाणाँ ये, तां तिन्हांरा पालन करा, ताकि तुहांजो आशीष मिलो।

तां सै रोटी खांदा उठीग्या, कने अपणा चोल़ा त्वारीत्या कने इक परना अपणे लक्का पर बन्हील्या। तां तिने इक्की बरतना च पाणी लैया, कने अपणयां चेलयां रे पैर धोणे लगया कने सै जे परना तिने इक्की दास्सा साई लपेटिरा था तिसने तिन्हांरे पैर साफ करने लगया।