Popular Bible Verses from Secunnu Matteu 18

Share

Giacchì unni sunnu dui, o tri, ca si juncinu a nomu miu, ddà sugnu iu mmenzu d’ iddi.

Vi dicu puru, ca si dui di vuautri cunsintirrannu supra la terra di dumannari qualunqui cosa, cci sarrà cuncessa da me Patri, ca è ntra li celi.

E Gesù chiamannu un picciriddu, lu misi mmenzu d’ iddi, E dissi: In virità vi dicu, ca si nun vi cunvirtirriti, e nun divintirriti comu li picciriddi, nun trasirriti ntra lu regnu di li celi.

Cui perciò si umiliirrà comu stu picciriddu, chistu sarrà chiù granni ntra lu regnu di li celi.

E cui accugghirrà un picciriddu comu a chistu a nomu miu, accogghi a mia.

Vi dicu in virità, tuttu chiddu, chi avriti attaccatu supra la terra, sarrà anchi attaccatu ’n celu: e tuttu chiddu, chi sciugghirriti supra la terra, sarrà anchi sciotu ’n celu.

Accussì me Patri celesti farrà cu vuautri, si nun pirdunirriti di cori a lu vostru fratellu.

Cui poi scannaliirrà qualcunu di sti picciriddi, ca cridinu in mia, è megghiu pri iddu, ca cci fussi attaccata a lu coddu una petra di mulinu, e chi fussi jittatu ntra lu funnu di lu mari.

Chi vi nni pari? si qualcunu avi centu pecuri, ed una di chisti si pirdissi: nun lassa iddu li novantanovi supra li muntagni, e va a circari a chidda, ca si pirdiu?