Popular Bible Verses from Luqaasi 14

Share

“Ta waan woyemmo koniyoona bi beegaata, bi nihoonaa bi indeenoyee, bi mecheenaa bi bushiisheenaꞌonoyee, bi anaami maneenaꞌonaa bi maache maneenaꞌonoyee, bi hajjee kashoyeenolla beshiiꞌi taan shuno bi qayigaata, taan dabboon hakkaache.

Bi masqaloon shaaggiꞌi taan dabbaani asho koniyoona ta dabboo tunoon hakkaache.

Illa bi qelloon oogiibeeto bulli giishemmone; bi qelloon giishiibeeto wotta oogemmone” iye.

Illa ebiyoommon ittoshi daggoochee koniyoona biich beeto bullin bi qayaan gaata, taan dabboon hakkaache” iye.

“Ittoshi daggoochee konine ooge xaqqee kexon hagga gabiꞌi are shuunoon shuune bi ciichemmi gijjee beemonaa aalloonon xiishoyich shiichii koteꞌi gabaano? Baashiichii haggii ciichoo biin bi mawigaata, ebin beeggimmo bulli ‘Hini uro hagga baashiichii ciichoo mawiihe’ getiree coonemmone.

Tunebaani gifiree maayoon ne qanniihooba, girechinaꞌon, kisha kuxeenaꞌonaa baata kuxeenaꞌonon, baata yesheenaꞌonaa aaf doogeenaꞌonon ataallibe. Eboshi aree keroon wochoo hakkaaneenaꞌo boonoshi tunetoyich, Yeeri neen diiremmone; wotta cadiqeenaꞌo qitoochee boonoshi tiyiyooba, Yeeri neech ebichi keroon wochemmone” iye.

“Kiiho gaawetone; tunebaani kiiho noocon bi qayigaata, are kiihon amoona noociiyehote? Are kiiho guudoona tookkii duppeꞌinoo showoon yeeꞌiyaache; iboona tookkii duppiteenoo showoon qeechiyaache; ebich maaxoochiye kichiree ittoshi duppemmo. “Illa waayeebeeti waajjecho waayebe” iye.