Popular Bible Verses from Afilipu 4

Share

Ihikhale itthu yowuukukureehani, nanso mwa cothene cinvekelenyu, cikhale coocuweliya ni Nluku muuswalini mwinyu, n'usukuru.

Ni nnema na Nluku, nimpwaha ucuwelaca wothene, ninaahala usunka mirima cinyu ni moopuwelo enyu ayo mwa Yesu Kristu.

Yoomalihera asunnaka, yothene iri yeekhweli, yothene iri yoohisimya, yothene iri yo'sariya, yothene iri yoorera, yothene iri yo nifento, yothene iri yoottottopeliya, yakhala wiira iri yomaana atthuna yoottittimihya, yeeyo phinlamuliya ukhala mmoopuweloni mwinyu mmo.

Kinawooryaniha citthu cothene mwa ule nokilipihera.

Ntteeliye mwa Apwiya ukati wothene, kinawuhimeryani tho wiira ntteeliye.

Nluku aka naahala wuuvahani cimphavelenyu cothene, toko ciryaya mihakhu cawe nnyo ni waarya mwa Kristu Yesu.

Cennyo ciitthucilenyu, caakhenlenyu, cikiiwilenyu ni cikoonnenyu, mpanke cennyo, ni Nluku o nnema naahala ukhala ni nyu.

Makhalelo enyu o nifento ayo akhale owoonnya na atthu othene. Apwiya ari wakhiviru.

Kinaacuwela uhuva ni kinaacuwela upuha. Mananna othene ni citthu cothene, kiri owiitthucene, ukhalana atthuna uvoliya itala, winciveliya atthuna uthwennya.

Nanso akinoolumacera commo nlattu woohikhalana, maana kiheetthuca utteeliya ni itthu irinaka.