Popular Bible Verses from 1 Timotiyu 1

Share

Yoohiminya toko ila, iri yeekhweli ni yoorera ukhuluveliya: Yesu Kristu howa nttuniyani wiira oopole mayokosa, toko ciinryaka mi ootepana.

Phimaana kooneliyaka ikiriri, mi mayottheka ootepa, wiira Yesu Kristu athoonyere iyuulupale awe yoovilela, akipankaka toko nthoonyero wa ale yaahala waamini, wiira aphwanye ukumi woohimala.

Itthu imphavelaya nna nlamulo nna, uri ukhalana nifento nookhuma wanrimani woorerihiya, wa ankhili omaana ni uroromela wo'khweli.

Wa mwene oohimala, oohikhwa, ohooninya, Nluku mmoca, attittimihiye ni waarya mahuku othene. Ameni.

Ciicammo nihocuwela wiira nlamulo nno khanipankeliye atthu ooloka, nanso alavilavi ni oohanyuriha, akaafiri na anatampi, ni atthu ooveeha, atthu owiiva na ale aneeva athumwanaya ni anumwanaya, ale aneetta uluva ni anruparupa alopwanaru, mayotumiha ipottha, mayowootha ni anlupela vathiru, ni citthu cikina ciriwo, cinaavirikaniha atthu wiira ahicuwelele miitthuciho cikumi