Popular Bible Verses from 1 Atesalonika 5

Share

Ntteeliye ukati wothene. Nvekele woohihiyerera. Nsukuru mwa citthu cothene, maana commo phiri utthuna wa Nluku mwa Yesu Kristu wa nyu.

Vano yooyo Nluku o nnema oottakattifiheni mwa citthu cothene ni nnepa enyu wothene, iroho ni irutthu inyu cisunkiye, wiira cikhale coohicovaciya wammwaya Apwiy'ehu Yesu Kristu. Eekhweli ph'ule nowiihanani ni ciicammo nohala upanka.

Mmweheehe, wiira hikhale nohala unlivyaanihera yoonanara nkhwawe, nanso ntthare nanlelo yoorera ntthu ni nkhwawe, ni ciicammo mwa atthu othene.

Phimaana, mpepecaneke ntthu ni nkhwawe ni nlipiheraneke ntthu ni nkhwawe, toko cimpankesenyu.

Ni ciicammo anna, ninawulepelani wiira mwaalake atthu owoolwaa, mwaapepece oocukulaca, mwaakavihere ookenkennyaa ni nkhale owaavilela othene.

Maana Nluku khanaalikelenle univiruwela, nanso wiira noopwe, mwa Apwiy'ehu Yesu Kristu.

Maana nyu othene nri asaana o waarya ni asaana o'thana; hi khaninakhala o'hiyu ni o mpiphini.