Popular Bible Verses from Markus 10

Share

Bagitu lei deng tu Anak Manusia. Tu Anak Manusia datang ka dunia bukang for orang mo layani, mar Dia datang for layani banya orang deng datang for srahkan Dia pe diri for tubus banya orang pe dosa.”

Yesus haga pa dorang kong babilang, “For manusia nyanda mungkin mo se slamat de pe diri sandiri, mar for Tuhan Allah, Dia bole se slamat pa manusia lantaran samua Tuhan Allah bole beking.”

Kong Yesus bilang pa dia, “Pigi jo, ngana percaya pa Kita jadi skarang ngana so bole balia.” Waktu itu jo, Bartimeus so bole balia, kong dia iko pa Yesus.

So lantaran itu, tu laki-laki deng parampuang yang Tuhan Allah so beking jadi satu, nimbole manusia mo kase cere.”

Mar Yesus haga pa orang itu deng rasa kasiang kong bilang pa dia, “Mar masi ada satu yang ngana blum beking. Pigi jo kong jual samua tu ngana pe harta, kong tu doi ngana kase pa orang-orang miskin, deng bagitu Tuhan mo kase pa ngana harta di sorga. Abis itu, datang jo kamari kong iko pa Kita.”

Kong Yesus batanya pa dia, “Apa dang yang ngana suka Kita mo beking for ngana?” Bartimeus manyao, “Guru, kita suka supaya kita bole mo balia.”

Mar ngoni jang sama deng dorang! Sapa tu suka jadi orang basar di antara pa ngoni, dia musti jadi orang yang ja layani pa ngoni.

Kita bilang pa ngoni, sapa jo yang nyanda trima pa Tuhan Allah sama deng anak-anak kacili yang dong pe hati polos, so dorang itu yang nyanda mo jadi orang-orang dari Tuhan Allah yang Berkuasa sbagai Raja.”

Mar banya orang yang orang ja bilang orang penting, dorang itu nyanda mo jadi apa-apa, kong tu orang yang orang ja bilang nyanda penting, dorang itu tu mo dapa hormat.”

Mulai ni dunia ada, Tuhan Allah beking laki-laki deng parampuang. So itu, tu laki-laki mo se tinggal tu de pe papa deng mama, kong dia hidop sama-sama deng de pe bini, kong dorang dua itu jadi satu. Jadi dorang dua so nyanda hidop sandiri-sandiri, mar so jadi satu.