Popular Bible Verses from Markus 1

Share

Waktu amper siang, Yesus bangong kong kaluar ruma. Dia pigi ka tampa yang jao dari kampung kong basombayang di situ.

Dia bilang, “Tu waktu yang Tuhan Allah da tentukan so sampe, Tuhan Allah so mo Berkuasa sbagai Raja. So itu, bertobat jo deng percaya tu Kabar Bae.”

Serta Yesus kaluar dari aer, Dia iko lia tu langit tabuka, trus tu Tuhan pe Roh yang rupa burung pombo turung di atas pa Dia. Kong dapa dengar suara dari sorga, “Ngana ini Kita pe Anak, Kita sayang pa Ngana. Ngana ini beking Kita pe hati snang.”

Kita baptis pa ngoni deng aer, mar Dia mo baptis pa ngoni deng Roh Kudus.”

Kong Yesus pangge pa dorang, “Mari jo iko pa Kita! Ngoni biasa bacari ikang, mar Kita mo kase ajar pa ngoni bagimana ja bacari orang for iko pa Kita.” Pe dengar itu, dorang iko kase tinggal dong pe jala kong iko pa Yesus.

Orang-orang yang badengar pa Dia taheran-heran da dengar tu Dia pe ajaran, lantaran Dia da mangajar pa dorang punung deng kuasa, nyanda sama deng dorang pe ahli-ahli Taurat pe mangajar.