Popular Bible Verses from Lukas 22

Share

“Bapa, kalu Bapa mau, ambe jo tu pendritaan ini dari pa Kita. Mar jang iko Kita pe mau, iko jo tu Bapa pe mau.”

Mar Kita so sombayang akang for ngana Simon, supaya ngana tetap percaya pa Kita. Kong nanti waktu ngana pe percaya pa Kita so kuat ulang, ngana musti bantu tu ngana pe sudara-sudara yang percaya supaya dorang pe percaya jadi kuat lei.”

Abis itu Yesus ambe roti, Dia bilang makase pa Tuhan Allah. Trus Dia se pela-pela tu roti kong Dia kase berbage pa dorang kong babilang, “Roti ini Kita pe badan yang Kita srahkan for ngoni. Ngoni beking jo rupa tu torang da beking skarang ini for inga pa Kita.”

Bagitu lei waktu so klar makang, Yesus ambe cawan yang da isi akang anggor kong bilang pa dorang, “Tu anggor di cawan ini Kita pe dara yang beking sah tu Perjanjian Baru antara Tuhan Allah deng manusia, tu Kita pe dara ini yang da tacura for ngoni.

Yesus rasa pe mendrita skali kong Dia lebe sunggu-sunggu basombayang. Dia pe suar itu sama deng dara yang da malele ka tana.]

Mar ngoni jang sama deng dorang, kalu sapa jo dari antara pa ngoni yang jadi orang basar, dia musti beking de pe diri sama deng tu orang yang paling muda. Kong sapa jo dari pa ngoni yang jadi pemimpin, dia itu musti beking de pe diri sama deng tu orang yang ja layani samua orang.

Mar Yesus bilang pa dia, “Kita bilang pa ngana, ni hari jo seblum ayam bakuku, ngana so tiga kali manyangkal kalu ngana kanal pa Kita.”