Popular Bible Verses from Lukas 12

Share

Jadi, ngoni lei musti slalu siap for batunggu tu Anak Manusia mo datang ulang. Soalnya ngoni nintau tempo apa tu Anak Manusia mo datang, Dia mo datang kage-kage.”

Mar lebe bae ngoni cari jo pa Tuhan Allah supaya Dia Berkuasa sbagai Raja pa ngoni, kong Dia mo kase samua tu ngoni pe perlu.”

Kong Yesus bilang pa tu orang banya yang ada di situ, “Bajaga-jaga deng hati-hati jo ngoni supaya ngoni jang sraka. Soalnya manusia pe hidop nyanda tagantong pa de pe harta, biar lei de pe harta itu tabuang-buang.”

Soalnya di mana jo tu ngoni pe harta ada, di situ lei ngoni pe hati.”

Kalu ngoni kuatir deng tu hal-hal itu, apa ngoni pe kuatir itu bole mo se tamba panjang tu ngoni pe umur? Pasti nyanda to?

Yesus babilang pa Dia pe murit-murit, “So itu Kita bilang pa ngoni, ngoni nyanda usa kuatir tu ngoni pe hidop, tentang apa tu ngoni mo makang deng lei tentang baju tu ngoni mo pake.

Jadi ngoni nyanda usa tako lantaran ngoni itu lebe berharga di mata pa Tuhan Allah dari banya burung pipit. Hele tu ngoni pe rambu di kapala Tuhan tau de pe jumla.”

Yesus babilang lei, “Ngoni cuma sadiki, sama deng satu klompo kacili domba-domba. Mar biar bagitu, ngoni jang tako! Soalnya ngoni pe Bapa snang lantaran ngoni mo sama-sama deng Dia mo Berkuasa sbagai Raja.

Co ngoni lia tu burung-burung gagak itu. Tu burung-burung itu nyanda ja baambor bibit deng nyanda ja bapete apa-apa, kong nyanda ada gudang ato lumbung for simpang akang makanan. Mar biar lei bagitu Tuhan Allah kase makang pa dorang. Kong ngoni itu jao lebe penting dari tu burung-burung itu.

Ngoni nyanda usa kuatir deng pikir-pikir tentang apa tu ngoni mo makang ato apa tu ngoni mo minum.

Rumpu yang batumbu di padang, Tuhan Allah piara deng beking bagus. Tu rumpu itu ni hari ada, trus eso dapa bakar. Kalu tu rumpu itu Tuhan piara deng beking bagus, lebe-lebe lei tu ngoni pe hidop tantu katu Tuhan mo piara deng beking bagus. Jadi kiapa so ngoni nyanda talalu percaya pa Dia?

Mar apa yang jaha tu skarang ini tasambunyi, nanti orang mo dapa tau, deng apa yang skarang ini masi jadi rahasia, nanti orang mo tau.