Popular Bible Verses from Lukas 1

Share

Samua jadi bagitu, lantaran for Tuhan Allah samua Dia mampu mo beking.”

Kong Maria bilang pa tu malaekat, “Kita ini cuma orang yang ja beking tu Tuhan da suru. Biar jo jadi pa kita samua tu da bilang tadi.” Abis itu, tu malaekat se tinggal pa Maria.

Tu malaekat itu manyao pa dia, “Roh Kudus mo turung pa ngana, kong Tuhan Allah Yang Mahatinggi mo kuasai pa ngana. So itu tu Anak yang ngana mo se lahir itu, orang mo bilang kudus, tu Anak Allah.

Ngana percaya tu Tuhan Allah da bilang pa ngana mo jadi, so itu ngana yang paling snang.”

So nyanda lama lei ngana mo hamil kong mo kase lahir satu anak laki-laki. Ngana se nama tu anak itu, ‘Yesus’. Dia itu mo jadi orang basar, deng orang-orang mo bilang kalu Dia itu Anak Allah Yang Mahatinggi. Tuhan Allah mo beking Dia berkuasa sama deng Dia pe nene moyang tu raja Daud yang da berkuasa dulu. Dia mo jadi raja yang berkuasa for slama-lamanya pa bangsa Israel, tu Yakub pe keturunan. Kong Dia pe krajaan mo ada trus sampe slama-lamanya.”

Trus tu malaekat itu babilang lei pa dia, “Maria, ngana jang tako. Soalnya Tuhan Allah da se tunjung Dia pe bae pa ngana.