Popular Bible Verses from Yohanes 2

Share

Tu mujisat itu Yesus da beking di Kana di daera Galilea. Itu jadi Dia pe mujisat yang pertama. Deng bagitu Dia so se lia Dia pe luar biasa sampe Dia pe murit-murit percaya pa Dia.

Kong Yesus bilang pa Dia pe mama, “Mama, kiapa dang mama suru bagitu pa Kita? Blum de pe waktu for Kita mo se tunjung sapa Kita sebenarnya.”

Yesus bilang pa tu orang-orang karja itu, “Isi akang aer jo tu tampayang-tampayang itu.” Kong dorang isi akang aer tu tampayang-tampayang itu sampe punung. Abis itu, Yesus bilang pa dorang, “Skarang falo akang sadiki, kong kase pa tu kapala pesta.” Trus dorang bawa itu pa tu kapala pesta.

Yesus manyao, “Co se rubu ni Ruma Ibada Pusat, kong de pe hari katiga Kita mo se badiri ulang itu.”

Kong Yesus beking cambok dari tali trus Dia user pa samua orang di situ deng dorang pe sapi deng domba. Kong tu orang-orang yang ja se tukar doi pe meja lei Dia se bobale sampe dorang pe doi tafiaro. Kong Dia bilang pa tu orang-orang yang ja bajual burung pombo, “Bawa kaluar samua ini dari sini. Ngoni jang beking jadi tampa bajual tu Kita pe Bapa pe ruma ini.”