Popular Bible Verses from Yohanes 10

Share

Papancuri datang cuma for bapancuri, babunung deng se ancor orang pe hidop. Mar Kita datang supaya orang bole butul-butul hidop, kong tu hidop itu punung deng berkat.

Kita ini gembala yang bae. Tu gembala yang bae kase tu dia pe nyawa supaya tu de pe domba-domba bole hidop.

Kita pe domba-domba kanal tu Kita pe suara, kong dorang iko pa Kita. Kita lei kanal pa dorang.

Kong Kita kase hidop kekal pa dorang deng dorang pasti nyanda mo binasa, kong nyanda ada satu orang yang mo rampas dorang dari pa Kita.

Kita ini pintu. Jadi sapa jo yang datang lewat Kita, dia itu mo slamat. Dia itu bole mo se sama deng domba yang maso kaluar pintu kandang for dapa makanan.

Kita ini gembala yang bae. Kita kanal tu Kita pe domba-domba kong tu Kita pe domba-domba lei kanal pa Kita

Kita pe Bapa yang da kase dorang pa Kita, Dia pe kuasa lebe basar dari samua. Nyanda ada satu orang yang bole mo rampas dorang dari pa Kita pe Bapa pe tangan. Kita deng Bapa itu satu.”

itu sama deng Bapa kanal pa Kita deng Kita lei kanal pa Bapa, kong Kita kase Kita pe nyawa supaya tu Kita pe domba-domba bole hidop.

Nyanda ada orang yang bole mo ambe tu Kita pe nyawa dari pa Kita, mar Kita mo kase itu iko Kita pe mau sandiri. Kita ada kuasa mo kase tu Kita pe nyawa, deng Kita lei ada kuasa for mo ambe ulang itu. Itu no tu prenta yang Kita da trima dari Kita pe Bapa.”

So itu, Yesus babilang lei, “Kita bilang pa ngoni, Kita ini pintu for tu domba-domba.

Mar tu orang yang bukang tu domba-domba pe tuang, tu cuma da dapa bayar for jaga tu domba-domba, tu orang itu mo lari kase tinggal tu domba-domba itu kalu dia lia srigala datang. Dia lari kase tinggal tu domba-domba itu sampe tu srigala bole srang kong beking tu domba-domba lari tafiaro.

Yesus babicara pake prumpamaan, “Kita bilang pa ngoni: sapa jo yang maso ka kandang domba, kalu dia nyanda lewat pintu mar cuma da balumpa lewat pagar, tu orang itu papancuri deng prampok.