Popular Bible Verses from Lukas 9

Share

Wo icua ka'i i Yesus ai séra im baya, “Si séi e masalé' kumiiit Yaku, sia ra'ica toro kumiit ing kasalé'anna in esa, sia musti muléng in salipna susur in endo wo kumiito mai Yaku.

Ampa'paan si séike' e menonou toronake' in owakna in esa, sia ra'ica makéré ing katouan akar ing kauré-uré. Taan si séike' e méé ing katouanna eng kumiit Yaku, kéréanna oka eng katouan akar ing kauré- uré.

Wo isowat i Yesus a si tou itu, “Sé tou mapajéko ra'ica toro maréng in somoi. Eng kaangéanna tana'i, sé tou makiit Yaku tioo memero-merot in andumoro' sé walina, sa memero-merotke' in tanu siitu, ra'ica patus mamuali tou ang Kakolanoan i Amang Kasuruan.”

Sapa en torona si esa tou makéré pakasa sé ang kayo'baan, taan niéma'nake' taré en owakna maté kuma'pa rumugi in owakna in esa?

Ampa'paan si séike' e malawi' ampa'paan Yaku wo in sususuien-Ku, si Toyaang i Tou ka'i malawi' oka isia an tutuw-Na maai sumawel ang karapi ing kawasa wangko'-Ku wo ing kawasa wangko' i Amang-Ku wo sé malaékat le'nas.

Isowat i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Icua-Na a sé murit-Na, “Si séi en sumungkul si toyaang teké' anio' ang karapi in arui en até ampa'paan makiit Yaku, sia sumungkulo Yaku. Wo si tou isumungkul Yaku, sia isumungkulo si Amang Kasuruan si imutus Yaku. Anaé, si séi si mawerot in owakna tou wawa', siao itu si tou iparangka-rangka'.”