Popular Bible Verses from Lukas 17

Share

Wo cua i Yesus a si tou itu, “Tumulungo wo maya'o mangé, ampa'paano ko maémano a Yaku, ko imasama'o.”

Sa sia méma' ing kamesé-meséaan ai camu makapitu en sangando wo makapitu sia maréngai ai camu wo kumua, ‘Yaku manesel ampa'paan aku méma'o ing kamesé-meséaan,’ musti ampungan iow sia.”

An tutuw si esaan ai séra suméré sapaoka en owakna imasama'o wo sia maréng angé sumawel a si Yesus. Ang karoro'anna imawaya', sia marayo-rayo si Amang Kasuruan ang karapi in taangko'. An tutuw sia icateka'o mangé a si Yesus wo sia kumundu an dior ing kécéi-Na wo méé i makapulu'sama' ai Sia. Si tou itu, tou Samaria.

Ampa'paan in itu kamu mareti-retio mangé! Sa si poow iow esa paémanen méma' ing kamesé-meséaan, romaan angé sia. Wo sa sia manesel ing kamesé-meséaanna, ampungano mangé sia.

Wo cua i Yesus, “Kailekan-Ku sé sangapulu' tou tarépé' imasama'o waya, am bisa réén sé siow itu?

Wo isowat i Apo' Yesus, “Sa kamu maéman mandé ka'i em paémanen iow itu tanuke' im batuna si tumeki-tekic, kamu ro'na merénta in tuura in ara anio' makémbut wo causew an ta'sic, tantu en tuura anio' kumiit im perénta miow.”

Si séike' e menonou toronake' ing katouanna in esa, sia itu ra'ica makéré ing katouan akar ing kauré-uré. Taan si séi e mengawéé ing katouanna eng kumiit Yaku, sia makéré oka ing katouan akar ing kauré-uré.

Icua i Yesus a sé murit-Na, “Ang kayo'baan anio', tantu awéan en andumoro' sé ro'na méma' si tou katawéran méma' ing kamesé-meséaan. Taan icawangkuro mio' si tou makawali sé tou walina ang kamesé-meséaan! Sa si tou itu tumawér esaan asé tou sé ra'ipé' keter em paémanen anio' akar méma' ing kamesé-meséaan, aweso taré eng kolot i tou itu wa'kesan im batu wangker wo mangé iwangkil an ta'sic.

Wo ka'i asi endo si Toyaang i Tou maai sumawel, eng katouan é tou meputé oka ing katouan é tou indior an jaman i Nuh. Sé tou asalo mengangan wo mengele-ngelep, asalo mengkang-kawéngan akar an tutuw si Nuh muntep ang kapal wangker. Wo mai en sonop wangko' e maté pakasa sé tou sé ra'ica muntep ang kapal itu.