Popular Bible Verses from Yohanes 6

Share

Icua i Yesus ai séra, “Yaku anioo eng kakanen si mengaéma' sé tou menonou akar ing kauré-uré. Wo si tou maai a Yaku, sia itu ra'io ka'i kawisa i maarem, wo si séike' si maéman a Yaku, sia itu ra'io ka'i kawisa i maré'om.

Sé tou ra'ica makawoo méma' in owakna menonou akar ing kauré-uré. Wayake' i Roh i Amang Kasuruan e méma' si tou ro'na menonou akar ing kauré-uré. E nunuwu' sé aicua-Ku itu, nunuwu' i Roh-Na wo sé nunuwu' itu iméma' sé tou menonou oka akar ing kauré-uré.

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Ampa'paan si anioo eng kasalé'an i Amang-Ku: Si esa wo si esa tou suméré sé niéma' i Toyaang wo maéman ai Sia, makéré oka ing katouan akar ing kauré-uré. Séra touen-Ku sumawel am papaté asi endo kaka'puan ing kayo'baan.”

Isowat i Yesus a sé tou keli, “Si anioo en icasalé' i Amang Kasuruan émaan iow: Percayano mai Aku si ayutus-Na mai.”

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Isowat i Simon Petrus ai Sia, “Tuang, asi séi oka en angéan ami? Wayake' si Apo' Yesus e mengakua in Taar andumoro' tumambisa kami menonou akar ing kauré-uré.

Yakuo eng kakanen si mawéé ing katouan si tumumpao mai an sorga owo. Sa si tou kuman ing kakanen anio', sia menonou oka akar ing kauré-uré. Eng kakanen si wéé-Ku itu, siituo en owak-Ku si iwéé-Ku oka a sé tou ang kayo'baan wosama' séra ro'na menonou akar ing kauré-uré.”

Ra'ica wana esaan tou ka'i e ro'na maai a Yaku sa asalo kumiit ing kasalé'anna in esa. Si esa wo si esa tou ro'na mai a Yaku ampa'paano si Amang si mutusai Aku matawoio an aténa. Wo si séike' si maai a Yaku touen-Ku oka sumawel asi endo kaka'puan ing kayo'baan.

Eng kakanen wutul si aiwéé mai i Amang Kasuruan itu tumumpa mai an sorga owo akar méma' i tou ang kayo'baan anio' menonou akar ing kauré-uré.”

Yaku anio' kakanen si méma' in tou menonou akar ing kauré-uré.

Wo indon i Yesus e roti itu, wo Sia kumua i makapulu'sama' a si Amang Kasuruan wo yéké-éké-Na ai séra sé makalukut. Taniitu ka'i e niéma'-Na a sé sera' itu. Wo séra kuman akar imawesu. An tutuw éra im baya imawesuo, icua i Yesus a sé murit-Na, “Umungeno mio' sé kakanen matela'u wosama' ra'ica wana en catiya'.”

An tutuw éra madayung in londéi wona' limao kuma'pa enemo kilometer eng katayangna, sérén éra si Yesus mawaya' am bawo in dano maruru mai in londéi éra. Séra maindé'. Taan icua i Yesus ai séra, “Si anioo Aku, tioo maindé'!”