Popular Bible Verses from Yohanes 1

Share

Taan sé tou tumerima wo mercaya ai Sia, séra wéan oka hak wosama' mamuali toya-toyaang i Amang Kasuruan.

Asi kataré-taré ra'ipé' niéma' i Amang Kasuruan eng kayo'baan anio', en Taar awéano. En Taar itu mewali-wali wo si Amang Kasuruan wo en Taar ituo si Amang Kasuruan.

En sendot itu sumendot ing kariréimbengan, wo eng kariréimbengan ra'ica makawoo kumala in sendot itu.

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Ang karapi in Taar itu émaan i Amang Kasuruan em baya-wayana awéan. Ra'ica wana mandé esake' sé niéma' i Amang Kasuruan sa ra'ica ampa'paan in Taar itu. En Taar itu palemboian ing katouan wo eng katouan itu si sendot en sumendot in até é tou.

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Sia si patuulen sendot ang kayo'baano. Eng kayo'baan niéma' ampa'paan Sia, taan sé tou ang kayo'baan ra'ica makatuus Sia. Sia mai a sé tou-Na Yahudi taan Sia ra'ica tinerima éra.

Wo en sendot si uli-ulit itu ang karoro'an i maai ang kayo'baan. Siituo en sendot si sumendot in até im pakasa é tou.

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.