Popular Bible Verses from Mbete Matiye 28

Share

Kaŋ dale í si wuri. Sina woiri le í hi̧ sa̧wnzukri gbam ɓá ti̧h ɓa nzuk-dih fal biri, kú ti̧h ɓil batem mbu̧h ziŋ Ŋgerzah ɓa sa̧w ye a ye Gaŋ tul feri riw ké riŋ ye mbew yaŋ, a ye, baah, gun, Tempuki. Í firma niri kú ƴo tul ɓay biri ké mi ɓah hi̧ wuri. Í ko, mi ƴo ziŋ wuri nam ke nam ka̧h sew a ɔh tɔr sewri. »

Zezu loh ma ta̧w woyri, mí ke ɓah ɓayay hi̧ niri ɓahri : « Mi ziŋ huhrumun-lak mbay tul feri gbam ké nunmbam pi ké tusiɓa pi.

Tem nzak pihna ra ko wu̧yri ra bale, ke ɓahri : « Í laɓ wuri hȩkme ya. Mi tu ɓahri se, i ƴo ƴah hul Zezu kú-u ɓar ni ké tul kpuh munu. Hul ye ta gelay ya ɓayu ké-e ti̧h ke puh záh ke pa̧ymun a foyu kandɔk ké-e ɓah ɓayu pol ra. Í gi wuri ko gel-mbek hul ra ké na-ay.

Wara mí Zezu ɓahri : « Í laɓ hȩkme ya. Í si ɓah hi̧ yi̧n biri ɓahri se, kú si Galile le, ku zíŋ mi ké ri. »

Ŋgernzuk fe puhna Ŋgerzahri mbu̧h hani ke ŋgernzuk gun Izarayelri, mí ku mbu̧h nzak mbew. Ku fa̧h lari mah fe, mí ku hi̧ sozeri ɓahri se, sozeri ɓá ɓahri, ku na nam, mí nzuk-dih fal yeri gi mbi hul ke suŋ, mí ku tɔr keni. Ɓayu toh ra suk guvener le, ŋgernzuk fe puhna Ŋgerzahri ke ŋgernzuk gun Izarayelri ɓay voh law ye rɔkɔ ké laɓ fe a se-u ziŋ niri soze-kɔr hulri. Sozeri ya̧ lari ra, mí ku ɓah ɓayu kandɔk kú-u sɔk niri. Ɓayaw ra mí ziɓri ƴo tulu kpu̧ru ka̧h guri-ay.