Popular Bible Verses from DIPESALEMA 31

Share

Ratang Morena, lona batshepuwa bohle ba hae; Morena o baballa ba tshepahalang; baikgohomosi bona o ba nea se ba lokelang.

Empa nna ke tshepile wena Morena, ke re: “O Modimo wa ka!”

Ba buang leshano ba fetohe dimumu, baikakasi bana ba buang hampe ka ya lokileng, ba ikgohomosetsang yena, ba mo nyedise.

Ke utlwa ditshebo tsa ba bangata, ke tshoswa ka nqa tsohle; batho ba nkunuta ba le mmoho, ba rera ho fedisa bophelo ba ka.

Ntshekehele tsebe, o potlakele ho ntopolla. O be lefika leo ke tshabelang ho lona, qhobosheane e mpholosang.

Mphemise leraba leo ke le tjhehetsweng, hobane ke wena setshabelo sa ka.

Matswalong a ka, ka re: “O ntahletse hole le sefahleho sa hao.” Empa wa utlwa thapedi ya ka, ha ke ne ke o llela.

Pesalema ya Davida, e qapetsweng motsamaisi wa dibini.