Popular Bible Verses from DIPESALEMA 103

Share

Boka Morena, wena moya wa ka; o se ke wa lebala melemo yohle ya hae.

Ke yena ya o tshwarelang melato ya hao kaofela, ke yena ya o fodisang mahlokong a hao kaofela. Ke yena ya o lopollang lebitleng, ke yena ya o qhakang ka mohau, ya o qhakang le ka lerato. Ke yena ya o fepang tse molemo bophelong bohle ba hao, hore o boele o ntjhafale, o ntjhafale jwaloka ntsu.

Pesalema ya Davida. Boka Morena, wena moya wa ka; botho bohle ba ka bo boke bitso la hae le halalelang.

Jwalokaha ntata bana a ba utlwela bohloko, ka mokgwa o jwalo le Morena o utlwela ba mo tshabang bohloko.

Jwalokaha botjhabela bo le hole le bophirimela, le ditlolo tsa rona o a di suthisa, o di suthisetsa hole le yena hakaalo.

Morena o na le kutlwelobohloko, Morena o mosa; o dieha ho halefa, o tletse mohau.

Ha a re otle ho ya ka dibe tsa rona, ha a re putse ho ya ka melato ya rona. Jwalokaha mahodimo a phahametse lefatshe, le mohau wa Modimo o moholo, o moholo hakaalo ho ba mo tshabang.

Morena o beile terone ya hae, o e beile mahodimong, tsohle di tlasa puso ya hae.