Popular Bible Verses from MAELE 13

Share

Ya tsamayang le bahlalefi o a hlalefa, molekane wa dithoto yena o a thotofala.

Ya tshwarang leme la hae o baballa bophelo ba hae, ya phasolohang feela yena o tla timela

Motho ya sa shapeng mora hae o mo hloile, athe ya ratang mora hae yena o a mo kgalema.

Tshepo e sa phethahaleng e nyahamisa pelo, takatso tse phethahatswang di ka fate sa bophelo.

Toka e sireletsa ya lokileng, bokgopo bona bo kudupanya baetsadibe.

Maruo a bolotsana a tla fela hang, a kolletswang kahanyane wona a a eketseha.

Dikgang di hlahiswa ke boikakaso, bohlale bo fumanwa ho ba mamelang dikeletso.

Monna ya lokileng o siela tloholo tsa hae lefa, leruo la moetsadibe ke lefa la ba lokileng.

Mora ya bohlale o mamela thuto ya ntatae, empa moikakasi ha a natse kgalemo.

Bofuma le dihlong di wela ya hanang kgalemo, tlotla e aparela ya sa haneng ho nyatsuwa.