Popular Bible Verses from MAELE 10

Share

Hlohonolo la Morena le entsha motho, ha ho maswabi ao le a tlisang.

Ya buang haholo sebe se teng polelong tsa hae, ya sa buabueng yena ke motho ya bohlale.

Lehloyo le fehla moferefere, athe lerato lona le iphapanyetsa diphoso tsohle.

Ya phuthileng matsoho o tla futsaneha, athe matsoho a kgothetseng a ruisa monga wona.

Ya mamelang ha a kgalengwa o tseleng ya bophelo, empa ya sa mameleng, yena o a kgeloha.

Motho wa nnete o tsamaya a sireletsehile, ya se nang nnete, yena o tla senolwa.

Ho tshaba Morena ho lelefatsa phelo ba motho, empa lemo tsa ba kgopo di tla kgutsufatswa.

Ba lokileng Morena ha a ba bolaise tlala, takatso tsa ya kgopo o a di nyopisa.

Sefefo se sheshena ya kgopo se ye le yena, motheo wa ya lokileng o hlola kamehla yohle.