Popular Bible Verses from DIPESALEME 103

Share

Boka Jehova, moya wa ka, o se ke wa lebala ditshitso tsohle tsa hae!

Ke yena ya tshwarelang makgopo a hao wohle, ya fodisang malwetse a hao kaofela. O lopolla bophelo ba hao lebitleng, o o rwesa lereko le mehauhelo hloohong. O kgorisa molomo wa hao ka tse molemo, mme botjha ba hao bo ntjhafala jwaloka ntsu.

Boka Jehova, moya wa ka; tsohle tse ka ho nna a di ke di boke lebitso la hae le kgethehileng!

Jwalokaha ntata motho a hauhela bana ba hae, Jehova o hauhela jwalo ba mo tshabang.

Jwalokaha botjhabela bo le hole le bophirimela, o lahlela makgopo a rona jwalo hole le rona.

Jehova o mohau, o lereko, o dieha ho halefa, o ruile mehauhelo e mengata.

Ha a ka a re etsa kamoo dibe tsa rona di leng kateng, ha a ka a re putsa ka moputso wa makgopo a rona. Empa jwaloka lehodimo ha le phahamile hodimo ho lefatshe, mohau wa hae o moholo jwalo ho ba mo tshabang.

Jehova o beile terone ya hae mahodimong, mme borena ba hae bo busa dintho tsohle.